خيط اللبن -- للاستاذ الكيبر (عثمان ربابعه)

يا حلالي و يا مالي---------------- يا ربعي ردوا عليه

خيط اللبن يا خواني--------------- بده وحدة أصلية

تصدق فيها النوايا----------------- نوايا انتخابية

كل مرة يطلع نائب---------------- في وحدتنا اللبنية

يا مرشح الإجماع----------------- إلك عندي وصية

إنته بدك النجاح ----------------و أصواتك أكثرية

أول خلك مع الله---------------- و إوع تغير النية

إنتو يا خيط اللبن--------------- أهلي وربعي و عينية

أنا خادمكو الأول---------------- معاكو بكل قضية

الشوارع و الخدمات------------ و الكهربا و المية

و الوظايف و الحقوق------------ هن ليهن أولوية

إنخاني أني جنبك---------------- ليلي أو نهارية

هذا واجبي معاكو--------------- إن شا الله كل الخيرية

بدي همتكو العالية---------------- بدي همة قوية

الكلمة الحلوة ع لسانك-------------- تجرح حدا يا خية

و الله الأسية بتوجع ---------------لا ترد الأسية

ساعتها تكسب الناس --------------كله بصفك سرية

ول ضدك بصوتلك-------------- لما يشوف الحنية

ثاني إتصدق ع الناس------------------ الناس المستوية

مساكين و طفرانين--------------- و الناس المهترية

أرامل و يتامى----------------خلي لهم ميزانية

أتعبهم غلا الأسعار ------------و ضرايب مش شوية

إسمع مني يا حمدان--------------- إسمع مني يا خية

بدك تشد الهمة ------------------وترفع ها المعنوية

بدك تخاطب الناس---------------- خطبة خطبة قوية

و توعدهم بكل الخير---------------و بدك تصدق النية

النية مدار الأعمال--------------- كل شي مركب ع النية

و إذا اعطاك النيابة-------------- وفّي وفّي العهدية

لنه أكثر النواب ----------------ما في مافي صدقية

قبل النيابة تكرم -------------------و لما ينجح مافيه

لا بسمعلك تلفون----------------- و لا حتى برقية

يعدينا شر الكذاب------------------ و الناس المعتدية

النيابة يا إخوان--------------- ما هي شغلة هزلية

بدها جهد وبدها وقت------------------ وبدها فت مصاري مش شوية

وتعاون من الجميع------------------ ما هي شغلة فردية

و النجاح لينا جميع--------------- هذي ساعة عزية

ما قد لذة النجاح--------------- لذة مش طبيعية

الله يعطيك الأصوات--------------- أصوات الأكثرية

و يبعد عنك الحساد------------------ حساد المفترية

و يعبّي صناديقك --------------من أصوات النشمية

خلك دغري ع المجلس---------------- وتخطب خطبة أصلية

خيط اللبن بالعالي-------------- كل أموره مقضية

و كل إشي يمشي تمام---------------- أمورنا مية مية

أختم قولي بالصلاة------------------- محمد سيد البرية

عثمان الربابعة . الهاشمية الجمعة 22 \10\2010، الساعة 6.40 صباحا